From: Victor Tavares <victortavares2@yahoo.com.br>
Date: 19 November 2006 12:47:47 AM
Subject: Res: [renetil] STL: Ratusan Pemuda Lakukan Kontak Damai
Reply-To: renetil@yahoogroups.com
Maluk sira,
Ita bele fo parabens ba juventude sira nebe hola iniciativa halibur malu hodi buka dame malu. Iha situação hirak nebe boot sira buka solução la hetan ou la iha vontade atu resolve problema ka hanoin resolve situação ho dalan formal-formal deit nunca mais hetan dame. Neduni juventude sira balu nebe tuda malu, ta malu no oho malu kolen ona maibe sira nian moris loro-loron mak mukit nafatin, sementara ema "aat" sira nebe aproveita sira nian bolsu mahar no manas tan deit. Diak liu ita nian maun-alin sira nebe terlanjur ona terlibat iha confrontos durante ne'e halo fila fali reflexão no halo exame de consciencia, katak ita oho malu mos ita nian vida ka moris loron-loron la muda ba diak. Sementara ema seluk nebe iha interesses no hetan keuntungan husi situação hirak ne'e ba tur didiak iha sofa no televisão nian oin haree ita oho malu, sira hamnasa basa liman. Neduni se karik kebetulan maun alin balu nebe terlibat maibe discretamente le hetan ha'u nian lia menon simples ne'e karik :
DIAK LIU HANOIN HIKAS IMI NIAN LORON ABAN ATU SAI OIN SA ? KARIK IMI BARAK IMI NIAN LORON ABAN NARUK LIU AMI SIRA SELUK...ITA NIAN EMAR TERUS RESIK ONA TAN DEIT ITA HO ITA OHO MALU. DIAK LIU TO'O IHA NE'E DEIT ONA, MAI ITA HOTU FO LIMAN BA MALU, SE KBAS BA MALU, FO NEON BA MALU HODI FOTI ITA NIAN RAIN DOBEM TIMOR-LESTE. TIMOR-LESTE RAI IDA DEIT, POVO TIMOR POVO IDA DEIT, JUVENTUDE TIMOR JUVENTUDE IDA DEIT MAK JUVENTUDE LORIKU ASS WA'IN. UKUN AN LA HOTU OHIN KA ABAN MAIBE UKUN AN NIAN LORON OIN PERTENCE BA JUVENTUDE, BASA, GERAÇÃO TUAN NIAN LORON BADAK DEMAIS ONA. EMA BALU SEI BELE TAU IHA SIRA NIAN KOHE LIA MENON (DOUTRINA) GERAÇÃO TUAN NIAN MAIBE LA KLEUR SEI SAI MIHIS NO LAKON...TANBA GERAÇÃO FOUN NIAN KBIIT MAKA'AS TEBES. TO'O ONA BIBAN ATU GERAÇÃO FOUN LA'O MESAK, LA PRECISA TAN TUIR HANOIN SIRA TAHUN 70'an NINIAN. HANOIN 70'an NIAN FATIN MAK MUSEUM HODI KONSERVA VALORES HISTÓRICOS NEBE MAK DIAK KONA BA FUNU BUKA UKUN AN NE'E...
HA'U FIAR KATAK KARIK GERAÇÃO TUAN SIRA "MOHU" DEMOCRACIA SEI HAMERIK FIRME IHA ITA NIAN SOCIEDADE NIAN LARAN, SEI LA IHA UKUN NA'IN IDA MAK KAER HISTORIA HANESAN FALI MANUAL DO PODER KA SADERE FALI BA HISTORIA FUNU HANESAN BUKU PEDOMAN BA KAER KEKUASAAN. HA'U MOS FIAR KATAK KARIK GERAÇÃO FOUN MAK KAER POVO TIMOR NIAN DESTINO, POVO SEI HETAN JUSTIÇA SOCIAL. TANBA SEI LA EXISTE BUAT IDA "SURA KOLEN" HUSI UKUN NA'IN SIRA TANBA HISTORIA.
MAIBE, MAUN ALIN SIRA, BUAT HIRAK NE'E HOTU DEPENDE BA ITA RASIK LA'OS BA EMA SELUK ...
Ohin ha'u nian hanoin mak ne'e deit
Ha'u nian haksolok boot ba Juventude Timor nian esforço nebe la'o dadaun no hein katak bele hetan fuan nebe tebar.
Victor Tavares
No comments:
Post a Comment