Estudantes Medisina Timor-Leste nian iha Kuba “di’ak liu no disiplina tebes”

> From: Abel Pires da Silva <abel_piresds@yahoo.com>
> Date: 17 November 2006 2:09:30 PM
> To: renetil@yahoogroups.com
> Subject: [renetil] Fw: [timor]Estudantes Medisina Timor-Leste nian
> iha Kuba "di'ak liu no disiplina tebes"
> Reply-To: renetil@yahoogroups.com
>
>
> Programa Bolsu de Estudu entre Timor-Leste no Kuba ne'e hala'o,
> hahu ho diskusaun entre Prezidente Xanana Gusmáo no Prezidente
> Fidel Castro iha sorumutu ida iha Kuala Lumpur iha 2003, no iha
> tempu ne'eba Governu Kuba oferese bolsu estudus hamutuk ba ema nain
> 50.
>
> Maluk Ze', Ita bot dehan katak PRograma ne Alkatiri nia
> Inisiativa...Ida nebe mak los??
>
> ----- Forwarded Message ----
> From: John MacDougall <johnmacdougall@comcast.net>
> To: east-timor-studies@yahoogroups.com
> Sent: Friday, November 17, 2006 1:30:38 PM
> Subject: [timor]Estudantes Medisina Timor-Leste nian iha Kuba
> "di'ak liu no disiplina tebes"
>
>
> REPỨBLICA DEMOCRẤTICA DE TIMOR LESTE
>
> GABINETE DO PRIMEIRO MINISTRO
>
>
>
>
> Dili, 17 Novembru 2006
>
> Komunikadu Ba Imprensa
> Estudantes Medisina Timor-Leste nian iha Kuba
>
> "di'ak liu no disiplina tebes"
>
> Estudantes Timor-Leste nian hamutuk nain 498 ne'ebe hala'o hela
> sira nia estudu iha Kuba, konsidera hanesan estudantes sira ne'ebe
> di'ak liu kompara ho estudantes medisina husi nasaun seluk ne'ebe
> estuda hela iha ne'eba – termus de rezultadu no disiplina, tuir
> Vise Ministru Saude, Luis Lobato
>
> "Ita nia juventude sira foti ona Timor-Leste nia naran tamba sira
> servisu maka'as no hatudu ona sira nia disiplina," Hateten senhor
> Lobato. "Autoredade Cuba sira nian hateten mai hau katak ita nia
> estudantes sira ne'e di'ak liu hotu."
>
> "Laran no vontade di'ak ne'ebe hatudu ona husi sosiedade no Governu
> Kuba durante ne'e, bo'ot tebe-tebes, alende numeru estudantes 498
> ne'ebe iha ona, Kuba sei buka tan ita nia estudantes hamutuk nain
> 200 iha fulan balu oin mai."
>
> Nasaun seluk hamutuk 21 mak haruka ona sira nia estudantes hodi ba
> estuda iha area medisina nian iha Kuba, ne'ebe hanesan nasaun ida
> ne'ebe ki'ak no dezenvolve hela, maibe iha sistema saude ida ne'ebe
> di'ak liu iha mundu – iha kazu balun, di'ak liu tan kompara ho EU,
> ne'ebe ho hospital publiku iha fatin balun la di'ak liu ho hospital
> sira iha nasaun ne'ebe dezenvolve hela.
>
> Kuba mos haruka sira nia doutores hamutuk nain 302 hodi mai servisu
> iha Timor-Leste tomak. Husi numeru ne'e, doutores liu husi numeru
> 120 mak hanesan doutor espesialista ne'ebe servisu iha Dili,
> Maliana, Baucau, Suai, Oecuse, no Maubise. Maske Governu Timor-
> Leste mos kontribui orsamentu balun ba programa ida ne'e, Governu
> Kuba agora dadaun mak selu vensimentu husi ninia doutores sira ne'e
> hotu no ita nia estudantes sira ne'ebe estuda hela iha Kuba mos la
> persiza hasai orsamentu ruma hodi hala'o sira nia estudu.
>
> Primeiru Ministru Dr Jose Ramos Horta ohin loron apresia komitmentu
> no korajen husi doutores Kubanu sira ne'ebe servisu hela hodi ajuda
> Timor-Leste.
>
> "Durante krizi ne'ebe grave tebes iha fulan Maiu, Junu, no Julhu
> nia laran, ita nia doutores Kubanu sira hela kompletamente iha ita
> nia suku no hospital sira ho pasiente no ita nia ema sira, oferese
> moral, fo suporta mediku no fisiolojiku ba ita nia ema sira," tenik
> Dr Ramos Horta.
>
> "Ida ne'e kontrariu ho voluntariu Korpu da Paz Amerikanu sira,
> ne'ebe maske la iha ameasa ba sira nia seguransa, no moris di'ak
> hela iha area rurais sira, hetan ordén husi administrasaun EU nian
> hodi sai husi ita nia nasaun.
>
> Kubanu sira nia aten barani no komitmentu ne'e mos kontrariu ho
> Japoneza sira iha JICA (Japanese International Co-operation Agency)
> ne'ebe halo interupsaun lalais ba sira nia kooperasaun iha Timor-
> Leste, maske la iha ameasa ruma ba sidadaun Japoneza sira, liu-liu
> iha area rurais.
>
> Programa Bolsu de Estudu entre Timor-Leste no Kuba ne'e hala'o,
> hahu ho diskusaun entre Prezidente Xanana Gusmáo no Prezidente
> Fidel Castro iha sorumutu ida iha Kuala Lumpur iha 2003, no iha
> tempu ne'eba Governu Kuba oferese bolsu estudus hamutuk ba ema nain
> 50. Iha sorumutu ne'e, atende mos husi Dr Ramos Horta ne'ebe iha
> tempu ne'eba hanesan Ministru Negosiu Estranjeiru no Kooperasaun.
>
> Tuir fali mai, Governu Kuba aumenta tan numeru bolsu de estudu ne'e
> ba maksimu 1000.
>
> "Agradese tebes ba laran di'ak ne'ebe hatudu ona husi nasaun ida
> ne'e, ne'ebe relativu konsidera hanesan nasaun ida ne'ebe ki'ak.
> Wainhira ita iha maizumenus estudantes hamutuk nain 500 ne'ebe bele
> ramata sira nia estudu no fila hikas, hamutuk ho sira ne'ebe estuda
> hela iha Timor-Leste no nasaun seluk, ita sei iha rasio entre
> numeru doutores sira no populasaun ne'ebe mak as hanesan ho nasaun
> dezenvolvidu balun," sublina Dr Ramos Horta.
>
> "Timor-Leste hetan sorte tamba bele iha nasaun amigo barak, maibe
> hau tenke husu, buat importante saida mak ita bele simu nudar
> garantia ida ba sistema saude ba ita nia ema sira?. Ida ne'e mak
> buat ne'ebe mak ita simu husi nasaun Kuba.
>
> Primeiru Ministru hateten katak Timor-Leste seidauk intervein ba
> kistaun interna husi nasaun seluk nian no sira nia desizaun ba
> sitema politiku.
>
> "Iha posibilidade katak EU no Kuba la iha relasaun diplomatiku no
> iha hela pozisaun "La iha funu, la iha paz," iha durante tinan 40
> nia laran,," Dr Ramos Horta hateten,"Maibe Timor-Leste iha relasaun
> ne'ebe metin tebe-tebes ho nasaun rua ne'e.
>
> "Governu Kuba tau matan ba ita nia juventude sira ho di'ak tebes.
> Ita nia estudante sira bele práktika sira nia relijaun sein
> intervensaun ida no hau husu ona ita nia igreza hodi bele haruka
> ita nia kapelaun ida ba iha Kuba hodi fasilita nesesidade
> espiritual husi ita nia estudantes sira.
>
> "Hau mos husu ona ba Amo Bispo Carlos Belo hodi ba vizita ita nia
> estudantes sira no Amo Bispo sei realize viazen ne'e iha tempu
> badak oin mai."
>
> Iha loron Segunda-feira foin lalais ne'e, Primeiru Ministru no Vise-
> Ministru Saude ba partisipa sorumutu ida ne'ebe hala'o ho inan-aman
> no familia husi estudantes sira nian iha Dili. Dr Ramos Horta
> hateten ba inan-aman no familia estudantes sira nian ne'e katak
> Timor-Leste sente orgolho tebes ho komitmentu husi estudantes sira
> nian ba nasaun ne'e.
>
> Timor-Leste mos iha estudantes medisina ne'ebe hala'o hela sira nia
> estudu iha Indonesia, Portugal, Filipina, Fiji, Malazia, no Australia.
>
> "Wainhira ita nia doutores sira fila hikas iha 2012, hau espera
> katak ita sei iha doutor ida ba kada suku ida," Hateten Dr Ramos
> Horta.
>
>
> Hakarak informasaun ne'ebe detalhu bele kontaktu ho :